Listamannaspjall með Erlu Þórarinsdóttur Á síðasta sýningardegi Ómur / Resonans , sunnudaginn 16. ágúst kl. 14:00 , verður Erla Þórarinsdóttir með listamannaspjall í safninu. Í verkum Erlu mætast endurtekning, hreyfing og tákn í verkum sem draga í sig óstöðugleika samtímans. Þar mætast ógn og von, eyðileggingarmáttur og samkennd. Sýningarstjórar Ómur / Resonans eru Helena Solveigar Aðalsteinsbur og Helga Þórsdóttir. 16. ágúst er jafnframt síðasti sýningardagur Ósamhverfrar endurskoðunar / Asymmetrical Review eftir Steingrím Eyfjörð , í sýningarstjórn Daríu Sól Andrews.

12. ágúst 2026, kl 12:12. Við bjóðum þér í róandi jógatíma í Listasafni Reykjanesbæjar. Sól og tungl í takt við alheiminn er við undirbúum okkur fyrir sólmyrkvann. Mjúkt flæði með sól og tunglhyllingu, slökun og gong til að endurnæra taugakerfið og draga úr streitu. Töfrarnir byrja innan frá og Ágústa Hildur og Álfhildur munu leiða tímann. Þetta verður rými til að anda, finna, sleppa og njóta í flæði sem hentar öllum. Tíminn er opinn öllum, óháð aldri eða reynslu, og börn og fjölskyldur eru sérstaklega velkomin. Flæðið er mjúkt og aðgengilegt svo hvert og eitt geti tekið þátt á sínum forsendum. Viðburðurinn skapar áhugaverða tengingu við sýningu Erlu Þórarinsdóttur , Ómur / Resonans , þar sem litir, tíðni og orka gegna mikilvægu hlutverki og skynjun áhorfandans verður hluti af upplifuninni. / We invite you to a calming yoga session at Reykjanes Art Museum. Sun and moon in harmony with the universe as we prepare for the solar eclipse. A gentle flow featuring sun and moon salutations, relaxation and gong sounds to restore the nervous system and reduce stress. The magic begins within, and Ágústa Hildur and Álfhildur will guide the session. It will be a space to breathe, feel, let go and enjoy a flow that is suitable for everyone.  The session is open to all, regardless of age or experience, and children and families are especially welcome. The flow is gentle and accessible, allowing everyone to participate in a way that feels right for them.