Ómur / Resonans - Erla Þórarinsdóttir

30. maí – 16. ágúst 2026

Málverk Erlu Þórarinsdóttur byggja á samspili ljóss, efnis og tíma. Þau vísa til innri veruleika og eru einskonar teikn og tákn. Verkin eru í líkamsstærð og mæta áhorfandanum sem dyr eða speglar. Yfirborð þeirra eru breytileg eftir birtuskilyrðum og nærveru þess sem stendur fyrir framan þau. Blaðsilfrið sem Erla vinnur með, oxast og umbreytist með tímanum. Silfrið sem er ljós- og umhverfisnæmt bregst við súrefni, brennisteini og öðrum efnum sem eru í andrúmsloftinu. Verkin eru hlaðin orku og virkni sem áhorfandinn gæti upplifað. Orkan er abstrakt, óhlutbundin og býr í skynfærunum. 

Að lifa og búa í öðrum löndum hefur haft áhrif á sýn og skilning Erlu. Hún flutti ung með fjölskyldunni til Norðurlanda og lærði snemma að heimurinn hefði mismunandi myndbirtingar, en kjarni mannsins væri sá sami. Hún leyfir undirvitundinni að starfa — hlustar, skynjar og treystir. 

Litir búa yfir tíðni, og tíðni er líka orka. Guðfræðingurinn og höfundur bókarinnar Thought Forms, Annie Besant skrifaði: „Litur er birtingarmynd krafts”. Ómur litanna í verkum Erlu mætir auganu og smýgur inn í líkamann. 

Geometrísk form birtast í endurtekningu og í kol- og blýantsverkum má sjá samfelldar línur og tákn sem virðast bæði skrásetja hreyfingu og halda henni gangandi. Inn í ferlið blandast orð og hugtök; skvaldur samtímans. Eins og spurningin Kärnkraft eller kärlek, „kjarnorka eða kærleikur“ ósvöruð og sífellt aðkallandi. Verkin draga inn í sig óstöðugleika heimsins, pólitíska spennu og mannlega viðkvæmni án þess að festa sig við einn ákveðinn atburð eða tíma. Þar mætast ógn og von, eyðileggingarmáttur og samkennd, sameining sála, Saman. 

Járnteikningarnar og stálverkið Saman eru verk unnin og útfærð á þessu ári. 

Í Kúríósa, innsta rými sýningarinnar  eru skissubækur, ljósmyndir, skúlptúrar og teikningar sem varpa ljósi á feril Erlu til þessa. Safn tilrauna og sjónbrota frá ólíkum stöðum, tíðaranda og menningarheimum. Þar birtast vísbendingar um uppruna verkanna og innsæi listamannsins. 

Erla Þórarinsdóttir er fædd í Reykjavík 1955. Hún nam við Konstfack Listaháskólann í Stokkhólmi og Gerrit Rietveld Academie í Amsterdam. Erla hefur starfað á Norðurlöndunum, í New York um tíma og einnig dvalið í Kína. Hún á að baki fjölda einkasýninga og samsýninga á Íslandi og erlendis. Verk eftir Erlu eru í eigu helstu safna landsins. Hún hefur hlotið ýmsa styrki og viðurkenningar fyrir verkin sín, m.a. unnið samkeppni fyrir Ráðhús Reykjavíkur og hefur tvisvar hlotið styrki úr sjóði Pollock-Krasner Foundation í Bandaríkjunum. 

Sýningarstjórar: Helga Þórsdóttir and Helena Solveigar Aðalsteinsbur.

Sýningin er styrkt af Safnasjóði.

// 

The paintings of Erla Þórarinsdóttir are built on the interplay of light, material, and time. They refer to an inner reality and function as a kind of sign and symbol. The works are life-sized and confront the viewer like doors or mirrors. Their surfaces change depending on lighting conditions and the presence of the person standing before them. The silver leaf that Erla works with oxidises and transforms over time. The silver, which is sensitive to light and environment, reacts to oxygen, sulfur, and other substances in the atmosphere. The works are charged with energy and activity that the viewer may experience. This energy is abstract, immaterial, and resides within the senses. 

Living and residing in other countries has influenced Erla’s vision and understanding. She moved with her family to the Nordic countries at a young age and early on learned that the world could appear in different forms, while the essence of human beings remained the same. She allows the subconscious to work by listening, sensing, and trusting. 

Colors possess frequency, and frequency is also energy. The theologian and author of the book Thought Forms, Annie Besant, wrote: “The depth of colours measure the strength of feeling”. The resonance of colors in Erla’s works meets the eye and enters the body. 

Erla’s charcoal and pencil works are continuous line drawings that record movement and create forms or symbols. Words and concepts are woven into the process the chatter of contemporary life. 

The iron drawings and the steel work Saman, ‘Together’, were created this year. 

In Kúríósa, the innermost space of the exhibition, sketchbooks, photographs, sculptures, and drawings shed light on Erla’s artistic journey to date. It is a collection of experiments and visual fragments from different places, eras, and cultures. There, hints of the origins of the works and the artist’s intuition emerge. 

Erla Þórarinsdóttir was born in Reykjavík in 1955. She studied at Konstfack University of Arts, Crafts and Design in Stockholm and at Gerrit Rietveld Academie in Amsterdam. Erla has worked throughout the Nordic countries, spent time in New York City, and also resided in China. She has held numerous solo and group exhibitions in Iceland and abroad. Works by Erla are owned by the country’s major museums. She has received various grants and awards for her work, including winning the competition for Reykjavík City Hall, and she has twice received grants from the Pollock-Krasner Foundation in the United States. 

Curators: Helga Þórsdóttir and Helena Solveigar Aðalsteinsbur.